10 совети за што треба да содржи совршена бања

Бидејќи денот ни започнува и ни завршува во бањата, одлучивме да издвоиме за вас неколку совети во однос на изборот и организацијата на суштинските елементи во вашата бања.

1. Распоред
Добриот распоред е основата на одличниот дизајн на бања и она што и помага практично да функционира и да биде во склоп со другите елементи. За да создадете успешен распоред, размислете за улогата на просторијата и за бројот на луѓе што ќе ја користат. Каков ќе биде целокупниот изглед на просторот? Како може да ги искористите постоечките карактеристики на просторот за да го употребите целото слободно место?
Освен тоа, земете го предвид амбиентот што сакате да го создадете и како може да го постигнете тоа. Ако светлото е поставено на вистинското место, тоа има моќ да ја направи вашата бања попривлечна. На пример, погрижете се дека шолјата не е првото нешто што го гледате по отворањето на вратата.

2. Лавабо
Лавабото треба добро да се вклопи во вашата бања и секојдневно да ви користи. Ако имате прилично мала бања, разумно би било вашето лавабо да биде прицврстено на ѕидот, бидејќи така ќе ви биде слободен поголемиот дел од просторот и просторијата ќе изгледа поширока. Доколку ви треба и дополнителен простор за складирање, тогаш ви препорачуваме да изберете модел со вграден простор за остава.
За крај, вашето лавабо треба да биде во стил и форма што добро се сложува со останатите елементи во бањата.

3. Чешма
Чешмата во вашата бања дава одлична можност да го претставите вашиот вкус и да внесете дух во просторот. За среќа, денес има огромен асортиман на бои и дизајни, така што изборот на чешма најмногу ќе зависи од вашиот личен вкус. На пример, може да одберете црна чешма како контраст на целосно бела бања или златна чешма за нијанса на луксуз во минималистички дизајн.
Освен тоа, важно е да размислете за типот на лавабо што сакате да го имате во бањата пред тоа, бидејќи тоа ќе го одреди изборот на чешма. И не заборавајте да ја земете предвид функционалноста. Имено, ако имате деца или стари луѓе во домот, осигурајте се дека вентилот на чешмата е лесен за отворање и затворање.

4. Плочки
За плочки може да ви пишуваме со денови…
Најважно е да се има во предвид дека изборот на плочки го одредува целокупниот изглед на бањата. Но, доколку немате некоја конкретна замисла, со толку многу достапни дизајни, плочките може да бидат најтешкиот елемент за одбирање. Размислете за ефектот што сакате да го создадете. Имено, сакате ли едноставен, минималистички изглед или контраст на бои помеѓу ѕидовите и подот? Претпочитате мазни плочки или такви со текстура?
Еве и еден трик ако сакате вашата бања да изгледа поголема, одберете поголеми плочки и користете ги истите плочки на подот, по ѕидовите и се до таванот. Нормално, најдобрите модели на плочки ќе ги најдете во двата наши изложбени Панел салони. Посетете нè и одберете ги вашите омилени.

5. Туш кабина
Туш кабината е еден од најкористените елементи во бањата, па затоа, од суштинско значење е да го вметнете правилниот и најдобар избор за вас. Пред да купите било што, видете дали воопшто има простор за посебна туш кабина во бањата. Ако не, подобра опција би била да ставите туш во кадата. Стаклото на вашата туш кабина ќе има големо влијание врз изгледот на просторот. Стакло без рамка е добар избор ако сакате бањата да изгледа попространа, додека пак она со рамка може да внесе контраст во дизајнот и да привлече внимание. Ако тушот не е во када, обрнете внимание на материјалот од којшто е направен подот и искористете полимермерна основа или поплочете ја туш кабината со истите плочки како и подот.

6. Када
Денес, се поголем број луѓе ја сметаат кадата како непотребна. Но, овој елемент ви дава повеќе избор за капење и поголема функционалност на бањата. Ако имате место за када, просторот ќе изгледа полуксузен и ќе биде попрактичен за децата. Во зависност од вашиот личен стил и вкус, може да одберете од огромниот број на дизајни, големини и материјали. На пример, ако живеете во стан или бањата ви е на втор или трет кат, када од камен би била претешка за подот без некакво дополнително зајакнување. Кадата, исто така, има и многу поголема улога од само функционалната. Обичната када е совршена за секојдневна употреба, но доколку сакате врвна релаксација, осврнете се кон када за спа.
За крај, нема друг елемент во бањата кој би можел да ви пружи поголемо задоволство и релаксација од топлата и пријатна када.