Неколку клучни совети при изборот на плочки за вашата бања

1. Буџет – Причината што буџетот се најде на прво место, не е што тој е најбитен, туку затоа што честопати, при изборот на плочки „измамени“ сме од дизајнот или моделот на плочките, без да размислиме на нивната функционална страна, одржувањето, пропратните трошоци за инсталирање и слично. Не грижете се, кај нас имате огромен избор на плочки по различни цени, а постојано има и некоја актуелна акција или попуст.

2. Големина – Нашиот втор совет за избор на плочки за бањата во вашиот дом е да ја земете во предвид големината на просторот. Во зависност од димензиите на вашата бања, одредена големина или стил на плочка може да помогне просторот да изгледа поголем и посветол. Изборот на големи плочки за подот ќе создаде ефект на повеќе простор. Кај нас имате избор од разновидни димензии и големини, без оглед дали се работи за подни или ѕидни плочки.

3. Боја – Друга работа што треба да се земе в предвид при изборот на плочки за бања е бојата. Бојата на плочките што ќе ги изберете ќе влијае на големина и атмосфера на вашата бања. Посветлата нијанса на плочка ќе ја рефлектира светлината низ собата и ќе направи просторот да изгледа поголем и поширок, а потемната нијанса ќе создаде помирна и посериозна атмосфера. Повелете во нашите салони и изберете го вашиот омилен модел, на располагање имаме неколку илјади различни бои и дизајни.

4. Завршница – Финишот што ќе го изберете за вашите плочки за бања е исто така важна одлука. Како што споменавме погоре, сјајната завршница ќе им помогне на вашите плочки да ја рефлектираат светлината, додека матната завршница ќе овозможи повеќе да се истакне текстурата на плочката. Плочките со мат завршна обработка се исто така, поотпорни на лизгање.

5. Одржување – Последно, но можеби најважно, одржувањето на плочките е битен момент на кој сите треба да внимаваме. Одржувањето може да биде макотрпно, а кога се размислува за плочки во бањата, имајте во предвид дека на крајот на денот, бањата е простор за одржување на хигиена.