Како да го изберете совршеното огледало за вашата бања?

Огледалото во бањата е императивен дел од нашата секојдневна рутина. Бидејќи е толку неопходно, од големо значење е да изберете огледало кое ви одговара во бањата. Но дали изборот на огледало е толку едноставен како што се чини? Доколку се земат в предвид сите фактори како осветлување, влажност, простор и слично, би можело да испадне прилично комплицирано.

Локација и монтажа

Една од првичните дилеми кои би требало да ги решите е каде би го монтирале вашето ново огледало. Нема логика да купите огледало кои толку многу ви се допаѓа, за на крајот да сфатите дека не се совпаѓа во просторот или воопшто не го собира. Веројатно, првото нешто на кое би помислиле е дали ќе одберете огледало во комбинација со останатиот мебел за бањата или тоа ќе биде независно од другите елементи. Секако, доколку се одлучите за огледало кое не е врзано со останатиот мебел, треба да внимавате тоа да не биде поголемо од другите елементи, како не би се појавил дисбаланс.

Осветлување

При донесувањето на одлуката за позиционирање на вашето огледало, помислете и на осветлувањето. Доколку имате прозорец во вашата бања, обидете се да го поставите огледалото на соседниот ѕид или барем внимавајте да не бидат спротивно поставени, за да не добиете непотребен ефект на рефлексија или несакана сенка кога ќе стоите пред огледалото. Но дневната светлина е најповолен извор на светлина во вашиот простор, па така обидете се да ја искористите максимално. Сепак, некои бањи немаат прозорци воопшто, па во таков случај, обидете се да одберете огледало кои се опремени со светло. Лед светилките ја даваат најавтентичната светлина и досега се покажале како доста практични. Кај нас можете да најдете огледала со стандардно светло, а секако и модели со прикриено светло.

Зголемување

Зголемувањето, или попопуларно зумирање, не секогаш е неопходно, но би можело да биде доста корисно за некои. За оние од вас кои носат очила, полесно би можеле да ја разберете потребата од зголемено огледало кога при вашата утринска или дневна рутина честопати ви се случува да ви се замаглат стаклата на вашите очила, што знае да биде прилично макотрпно. Огледалата со зголемување се важни при обавувањето на вашите рутини за хигиена, при шминкање, при прецизно бричење или слично.

На што друго би требало да внимавате?

Формата на огледалото е честопати клучна, бидејќи, пред да размислиме на функционалноста, луѓето најчесто се водени од изгледот и дизајнот. Формата на огледалото клучна, бидејќи е тесно поврзана со останатите елементи во бањата, па така формата на огледалото може да варира помеѓу правоаголна, овална или во посмела варијанта на некоја друга неправилна форма.

Дали огледалото ќе биде во рамка или ќе биде целосно стакло исто така прашање на вкус.

На крај би ги споменале и огледалата кои имаат анти-замаглувачки стакла, кои се навистина практични, бидејќи замаглувањето на огледалото е честа појава, посебно после топла бања.

Се надеваме дека овие наши совети ќе ви помогнат и ќе го олеснат вашиот избор. Побарајте го вашето идеално огледало помеѓу нашиот широк асортиман на огледала во разни форми и модели во еден од нашите два изложбени салони на #Panel.