Краток водич за избор на тип на батерија

Откако ќе ги обезбедите основните елементи во вашата бања, како када, туш кабина и wc школка, време е да почнете да размислувате за помалите детали. Чешмите за бања навидум може да ви изгледаат исти, но изборот знае да биде доста комплициран ако се земе во предвид колку различни типови на чешми за бања постојат.

Пар славини

Овој тип на чешми е многу традиционален и застарен. Кај ваквите типови на чешми водата тече одделно, низ едната славина тече ладна, а од другата топлата вода. Ваквиот тип на чешми се употребува се поретко, но би можеле да дадат дополнителен ефект, доколку вашата бања е во ретро стил.

Миксери

Наместо да имате две цевки одделно за топла и студена вода, „миксерот“ влече вода и од двете цевки, за ладна и за топла и ја испушта водата од една централна цевка. Ваквите типови на чешми доаѓаат во различни стилови, некои се покласични, а некои се модерни.

Моноблок

Моноблок типовите на чешми се унапредена верзија на „миксер“ типот на чешми. Но, наместо да имаат 2 рачки (една за топла, една за ладна вода), тие оперираат со една централна рачка. Температурата се регулира со вртење на рачката лево и десно, а количината со движење нагоре и надолу.

Ѕидни чешми

Името само кажува за каков тип на чешма се работи. Се инсталираат на ѕидот од вашата бања и монтирани се над лабавото. Овој тип на чешми има добра и лоша страна, можат да бидат проблематични за инсталирање, но од друга страна пак, предност е што не зафаќаат голем простор и одлично се вклопуваат во минималистички бањи.

Дали нашава класификација ви помогна да го пронајдете стилот кој најмногу ви се допаѓа и ви одговара во вашата бања? Осигурете се дека внимателно ја погледнавте нашата понуда и не колебајте се да не посетите во еден од нашите Панел изложбени салони и да го изберете вашиот фаворит.