Совети за надворешно уредување

Во екот на сезоната за надворешно уредување на вашите дворови и тераси, ние ви помагаме со неколку совети за тоа на што треба да обрнете внимание за изборот на плочки да биде правилен.

При изборот на надворешни плочки, имајте ги на ум временските услови. Изберете квалитетна плочка чија боја нема да избледнее од постојаното соне, а за време на дождовните сезони пак, нема да им одолее на киселите дождови.
Иако е лето, уште еден момент кој е клучен при изборот на плочки и кој не смее да се занемари е дека зимата знае да биде голем непријател на вашите плочки. Мразот може да биде исклучително штетен за плочките од природен камен, ако тие не биле правилно и квалитетно изработени, а порцеланот има својствена мала порозност, што значи дека нема да добие пукнатини од замрзната влага.

Високата отпорност на дамки е уште една од карактеристиките на кои треба да се внимава, па би ви советувале да не ја занемарите оваа особина при изборот на идеалната плочка за вашиот надворешен простор.
Важно за која и да е површина која ја поплочувате да внимавате на отпорот на лизгање кој го имаат плочките, за да избегнете несакани несреќи при влажното време.

А кога се работи за квалитетни и внимателно избрани надворешни плочки, одржувањето е прилично лесно.
Потребно е со црево да ја наводените површината што сакате да ја исчистите. Потоа со четка или метла со цврсти влакна да ги протриете. Но внимавајте, влакната треба да се природни или пластични а не метални, за да не би ја изгребале или уништиле површината на вашите плочки. На крај, повторно со црево со силен млаз исплакнете ги ѓубрето или нечистотиите кои се насобрале при триењето на плочките.

За крај, важно е плочките кои ги бирате да одговараат на надворешниот амбиент и бојата и дезенот да бидат по ваша желба, но ви напоменуваме, не занемарувајте ги овие наши едноставни, но исклучително важни совети!